loading...
Arbotravel – Хотели во Грција, Аранжмани, Превоз, Авиобилети, Летувања, Зимувања, КрстарењаArbotravel – Хотели во Грција, Аранжмани, Превоз, Авиобилети, Летувања, Зимувања, Крстарења
Forgot password?

Винарска визба Попова Кула

1-popova-kula

Винарска визба Попова Кула

Еднодневна посета

Станушината е стара македонска автохтона сорта на грозје која може да се најде единствено во Тиквешкиот регион во Македонија.
Винарската визба Попова Кула ја има честа да биде единствениот производител на ова сортно вино во Македонија и во светот…
Винарската визба Попова Кула и лозовите насади се лоцирани на јужната падина на Велико Брдо, западно од прекрасното градче Демир Капија.

Уште од дамнешни времиња овој регион го краселе бројни лозови насади распослани по околните ритчиња. Древните жители на овој регион уште пред пред многу, многу векови ја започнале традицијата за правење на квалитетно сортно вино.

Во почетокот на 20-от век Кралот Александар Караѓорѓевиќ своите први лозови насади ги посадува токму во Демиркаписко со што овој регион ја покажува својата вистинска вредност како област во која се раѓаат врвни вина. Тогашното Кралство СХС (1918-1941) се протегало на територијата на денешните држави Македонија, Србија, Црна Гора, Босна , Хрватска и Словенија, вклучувајќи ги и брегот на Јадранскто Море и Панонската низина. Со тоа Кралот Александар имал бројни можности да избира локации за садење на лозовите насади низ целото кралство, но следејќи ги препораките на своите мудри советници тој ја донесува вистинската одлука и го избира микрорегонот на Демир Капија како идеална локација за своите лозови насади.

Од раните почетоци на производство на вино до денес, Демир Капија, низ турбулентните историски периоди, има претрпено многу промени. Водени од исконскиот порив да ја зачуваме традицијата и историскте вредности, на оваа територија ја изградивме винарската визба која ја краси импозантна кула висока 17 метри. Винарска визба, со кулата како составен дел, ја именувавме Попова Кула според истоимениот историски објект што некогаш служел како важна набљудивачница на патот Скопје – Солун. Поповата Кула, заедно со Беговата Кула претставувале најмаркантните зданија во тој период, но за жал подоцна биле целосно уништени.

Со изградбата на визбата Попова Кула, која може да се види од кое било место во Демиркаписката долина, се оплеменува целиот регион и се воскреснува духот на историските времиња.

Посебно сме горди со убавината на нашата винарска визба, но и со врвниот квалитет на вината кои што ги произведуваме. Дојдете на посета во винарската визба и пробајте ги и нашите вина. Сигурни сме дека ќе бидете воодушевени.

Соба за дегустација во винарската визба „Попова_Кула“

Соба за дегустација во винарската визба „Попова_Кула“

Ресторан Попова Кула

Мени
– Дегустации
– Дегустација на 5 вина – 300МКД
– Дегустација на 5 вина со квалитетни сирења и пршут – 600 МК Денари
– Дегустација комбинирана(5 вина, квалитетни сирења и пршути, главно јадење и десерт) – 1100 МК Денари
– Гастрономска дегустација(5 вина, сирења, пршути,специјалитети, главно јадење и десерт) – 1300 МК Денари

Спеделете со пријателите!Share on FacebookShare on Google+Tweet about this on TwitterShare on LinkedInPin on PinterestPrint this pageEmail this to someone